Tha naidheachd bho Alba
'S chan urrainn dhuinn a bhi coma
a Thighearna cho dàna
am b' urrainn dhomh a bhi calma?

le mo fhreagairt ri Phàrlamaid
mu dheidhinn ar ro-innleachdan
airson a bhi dìcheallach
's diadhach ler inntinnean

ach tha mi aindeònach
am facal a ràdh, oir
nuair a bhios sibh air an t-ainm
a' ràdh , thig e a-steach

's bidh an deamhan as miosa
am fear le mhnaoi fo smachd
a' ghabhail tlachd bho a h-aire
's a cleachdadh bhuidseachd

SÈIST
CHAN ANN DO SHÌOL ADHAMH SINN
'S CHAN E ABRAHAM AR N-ATHAIR
ACH THA SINN DE MHUINNTIR 'N ATHAIR UAIBHRICH
CHAIDH FHUADACH AS A FHLAITHEAS

Gheibh Baobh a guidhe
ged nach fhaigh a h-anam tròcair
ìobairtean loisgte
's an Riabhach air a shocair

cho creachadh, 's dòcha
Gum bi 'n t-eagal a thogail
Teine mòr nach bu chòir
Duine sam bith a rostadh

Leis an cridhean cho reòite
No mar pìos beag mòine
Air a losgadh leis an teasachadh
An eudachd a' sroiceadh

Aodainn òga lan bòidhchead
Ach a-nis grannda, dorcha
Le crannchur an t-saoghal bhochd
A' tionndadh mar cuithle rothair

'S e gairm an t-sluagh
'S cha mhòr gum bhodhradh an fhuaim
Ag iarraidh bana-bhuidsich
Airson dòrtadh a fuil

Cho doirbh a tilleadh
Ri sàbhachas as dèidh sin
Bidh sibh fiadhach le fearg
'S feargach gun thuigsinn

Tha Rìgh Seumas a' chomhairle
Ri luchd-chomhairlich droch-inntinnich
A chàirdean ri a bhrosnachadh
Gun dòighean gun tàmh no sìth

'S chan e doirbh a chì
Chan eil ar Dia le rìgh,
Cho gun nàire,
Chan eil dùbhlan sam bith, air a shlighe…

SÈIST

Tha an Rìgh air a chuir roimhe
Gum bidh èigheachd air dòighean
gus dearbhadh deimhinnte
'S i bana-bhuidseach nam boireannach

Le acfhuinn oillteach
iaruinn, sgoltadh
Geur 's spìocach
'S dìreach gun tròcair

Airson adhbhar mì-mhòiteil
Gun cead bhon t-soisgeul
An canar gum biodh sinn
Nas diadhaiche nan Abstoil?

No mar dheamhan dhamaichte
Freumhan adhbharachadh
Crìonadh sòisealta,
'S ar breugan a' brùidealachd

Am Bìoball a' tionndadh
Ri leabhar neo-shunndach
Eadar-theangachadh cliùteach
Làn buidseachd 's draoidheachd

Gann de cheartas 's dùthchas
Sa Bheurla ghrannda 's bhrùideil
Mar cuing air am muineal
Daimh ghòraich slaodaich

Dìreach as-deidh an caochladh
Sprèidh cho tursach
Bidh dàn eu-dòchasach
'S am breitheanas mhurt

An tèid sinn chùirte?
Ri taobh tuaitheil gun fheum gun bheartas
Nar aonaranaich
Chaidh fhuadach a fhlaitheas?